चिदाकाशी उडे । जीवपक्षी..!
सोळाव्या अध्यायाच्या सुरुवातीलाच ही
उपमा आलेली आहे.
जेणे विवळतिये सवळे । लाहोनि आत्मज्ञानाचे
डोळे । सांडिती देहाहंतेचीं अविसाळें । जीवपक्षी ॥ २/१६
नेहमीचा सूर्योदय विश्व उजेडात आणतो.
एका अर्थी तो द्वैताचे दर्शन घडवतो. पण मायेच्या, अज्ञानाच्या रात्रीचा नाश करून आत्मज्ञानाचा
सूर्य उगवला की अध्यात्मज्ञानाचा दिवस
उगवतो. अशा प्रातःकाळी आत्मज्ञानाची दृष्टी प्राप्त होऊन जीवपक्षी ‘मी म्हणजे देह’
या समजुतीचे घरटे सोडून देतात..